النهارده نزلت نشره فى الشغل ان يوم 9 اجازه رسمى
كل عام والاخوه الاقباط بخير
عرض للطباعة
النهارده نزلت نشره فى الشغل ان يوم 9 اجازه رسمى
كل عام والاخوه الاقباط بخير
انا عندي امتحان يوم الحد
ايه اللخبطة دي
ما كانو خلوها الخميس احسن
دى اجازة رسمى و لا عندك فقط
شكلها اجازة عندك بس لان في جريدة الجمهورية صباح اليوم الاتنين يوم 7 يناير عطلة وهي موافقة ليوم الجمعة ولا بديل لها
طالما عندى يبقا رسمى واكيد هتتذاع بكره
اقتباس:
كدت الوزيرة عائشة عبد الهادى وزيرة القوى العاملة ان عيد الميلاد المجيد الموافق السابع من يناير المقبل فهو اجازة مدفوعة الاجر وذلك طبقا لقرار الوزارى رقم 112 لسنة 2003
وأشارت انه فى حالة الضرورة وحالة ظروف العمل يمكن لصاحب العمل تشغيل العمال على أن يستحق العامل فى هذه الحالة ، بالإضافة إلى أجره عن هذا اليوم مثلى هذا الأجر
وقد هنئت الوزيرة جميع الاخوة الاقباط بهذا العيد
دا اللى قالته عائشة عبد الهادى امس
يعنى مافيش اجازة بدلا من الجمعة :(
هو مش يوم الجمعة اجازة رسميه فى البلد
ايه الجديد اللى هى قالته !!!!
مفيش أي نشرة نزلت عندنا في الشغل بتقول إنه أجازة ربنا يسهل وتنزل بكرة
ازاي؟
انا عندي امتحان يوم الحد
طب نزل فين انه اجازة رسميه ؟؟
على موقع اليوم السابع مكتوب اجازة يوم الاحد للبنوك
محدش عندنا قال حاجة عن يوم الاحد او الخميس ,
ربنا يسهل و يكون فيه أجازة ...
.......
سمعت انهم كاتبوا فى التليفزيون ان الخميس هو اللى اجازة
يا جماعه يوم الاحد نزل اجازه للبنوك فقط .......
يعنى كده مش رسمى :(
انا نفسي يبقى اجازة فعلا
الشركة عندنا مكتمة مش قايلة اي حاجة
الأحد..عطلة رسمية بالبنوك بمناسبة عيد الميلاد المجيد
سامحونى بقا طلعت للبنوك فقط انا قولت افرحكوا
الشركه عندي و عند المدام يوم الخميس :)
يا فرحة ماتمت خليتنى بس اطلع اشاعة فى الشغل ان فيه اجازة :)) اهو كله هيمسك فيا دلوقتى الله يسامحك بقا :)
البنوك بس هم اللى بياخدوا أجازات جميع الملل والأديان
متحسدوش البنوك يا جماعة انتوا ناسيين ان العيد الصغير بياخدوه فى معظم الاحوال يومين
والعيد الكبير اكتر حاجة بالوقفة 3 ايام
يعنى العيد الكبير اللى فات بدأ يوم الاتنين البنوك خدت اتنين وتلات واربع ونزلوا الخميس وكانوا نازلين الحد
لكن الحكومة والشركات الكبيرة بيضربوا الاسبوع كله
بيبقى احساس مقرف وانت نازل فى العيد
ولا الميزانيه بتاعه اخر السنه ولا السنه الماليه فى شهر 7 ع العموم انا واحد من الناس حاليا شغلى من 8.15 ص الى 10 مساءا بسبب حاجه العمل
اقتباس:
استئناف العمل الاثنين 10 يناير
الاحد..عطلة رسمية بالبورصة والبنوك بمناسبة أعياد الميلاد
http://www.egynews.net/wps/wcm/conne...pg?MOD=AJPERES
احد البنوك في مصر
القاهرة - أ ش أ
اصدر البنك المركزى قرارا الاثنين بتعطيل جميع البنوك والوحدات المصرفية العاملة فى مصر يوم الاحد 9 يناير/كانون الثاني 2011، بمناسبة عيد الميلاد المجيد، كما قررت إدارة البورصة المصرية نفس اليوم عطلة رسمية بمناسبة أعياد الميلاد.
وقالت مصادر بالبورصة المصرية، إنه تم إحتساب يوم الاحد عطلة رسمية بدلا من يوم الجمعة التى توافق العطلة الاسبوعية، على أن يتم إستئناف العمل بالسوق اعتبارا من اليوم التالي الإثنين 10 يناير/كانون الثاني.
كانت عائشة عبد الهادى وزيرة القوى العاملة والهجرة، قد أعلنت أن يوم 7 يناير 2011 أجازة بأجر كامل للعاملين بالقطاع الخاص والاستثمارى وقطاع الأعمال العام، وذلك في ضوء أحكام المادة 52 من قانون العمل الصادر برقم 12 لسنة 2003، والقرار الوزارى رقم 112 لسنة 2003، بشأن تحديد أيام الأعياد التي تعتبر أجازة بأجر كامل.
وقالت الوزيرة الأحد : " إنه يحق لصاحب العمل تشغيل العامل فى هذه الايام اذا اقتضت ظروف العمل ذلك ويستحق العامل فى هذه الحالة بالاضافة إلى أجره عن هذا اليوم مثلى هذا الاجر".
بص كدة المادة دى من قانون العمل للمعلومية
http://www.egypt.gov.eg/arabic/images/space.gif
( مادة 47 )
تكون مدة الأجازة السنوية 21 يوما بأجر كامل لمن أمضى فى الخدمة سنة كاملة، تزاد إلى ثلاثين يوما متى أمضى العامل فى الخدمة عشر سنوات لدى صاحب عمل أو أكثر، كما تكون الأجازة لمدة ثلاثين يوما فى السنة لمن تجاوز سن الخمسين، ولا يدخل فى حساب الأجازة أيام عطلات الأعياد و المناسبات الرسمية و الراحة الأسبوعية
ده القانون ياباشا لكن عمليا حتسمع كلمة "هو كده" واكيد مش حينفع ارفع قضية لاننا فى مصر
طيب انا عندى نظام جميل اوى فى الشغل
"لازم تخلص اجازاتك قبل مالسنة تخلص" ولا ينفع تترحل ولا تاخد بدلها فلوس
ماشى جميل اوى
بس فى نفس الوقت
"حاجة العمل لا تسمح"
طيب مش حاخد اجازة
"لا اكتب اجازة وتعال الشغل عادى:8954[1]:"
بص يا باشا الاجازة أقصى حاجة تعملها ترحل لمدة 3 سنوات القانون كدة لو أنت غلست علية جامد أقسم بالله حا تاخد كل حقوقك لو سيبتها ماشية مش حا تاخد حاجة و لو أنا كاتب أجازة بخلى معايا صورة من ورقة الاجازة بعد أعتمادها و طبعا مش حا أنزل الشغل بتاع شؤن الافراد ((( الهيومان ريسورس )))) بيعتمد على جهل أو عدم معرفة الموظف بحقوقة و بيتعامل من هذا المنطلق
الاول مكانش فى مشكله لو تاخد الخميس مع الاحد بيحتسب يومين
لكن هو كده بالظبط زى كلام استاذ احمد هايتحسب معاهم جمعه وسبت
البند القانونى أهوة
( مادة 48 )
يحـدد صاحب العمل مواعيد الأجازة السنوية حسب مقتضيات العمل وظروفه، و لا يجوز قطعها إلا لأسباب قوية تقتضيها مصلحة العمل .
ويلتزم العامل بالقيام بالأجازة فى التاريخ و للمدة التى حددها صاحب العمل وإذا رفض العامل كتابة القيام بالأجازة سقط حقه فى اقتضاء مقابلها .
وفى جميع الأحوال يجب أن يحصل العامل على إجازة سنوية مدتها خمسة عشر يوما، منها ستة أيام متصلة على الأقل ويلتزم صاحب العمل بتسوية رصيد الأجازات أو الأجر المقابل له كل ثلاث سنوات فإذا انتهت علاقة العمل قبل استنفاد العامل رصيد أجازته السنوية استحق الأجر المقابل لهذا الرصيد .
ولا يجوز تجزئة الإجازة أو ضمها أو تأجيلها بالنسبة للأطفال .
ياباشا احنا عارفين ان مينفعش تدخل معاها اجازات رسمية
ومينفعش متاخدش اجازتك وممكن تترحل لو مخدتهاش
لكن لو شغال فى اى شغل خاص (وحكومة كمان دلوقتى ) حيقولك خلى القانون ينفعك...حتعمل ايه؟
طيب مالقانون محدد ساعات العمل ب40 ساعة اسبوعية ولا يجوز تشغيله اكثر منه الا اذا ادته اجر
والناس بتشتغل اكتر وممكن تنزل جمعة وسبت ومش عاجبك مع السلامة
حضرتك شغال فين؟
شاكلك كده يا استاذ هشام صاحب عمل
والسبت اجازة للقطاع الخاص بدل الجمعة كما قالت عائشة عبد الهادى
دا الخبر الموجود النهاردة فى جريدة الاخبار بتاريخ 3/1/2011
كل عام وكل اقباط مصر بخير
ومصر كلها بخير وسلام
لا يا باشا علشان تبقى عارف الصح قانون العمل 48 ساعة و ليس 40 ساعة و أنا يا باشا شغال فى شركة طيران يعنى قطاع خاص و ليس قطاع عام و فى شركات طيران أجنبية و ليست مصرية
مادة 80 )
مع عدم الإخلال بأحكام القانون 133 لسنة 1961 في شأن تنظيم وتشغيل العمال في المنشآت الصناعية لا يجوز تشغيل العامل تشغيلا فعليا أكثر من ثمان ساعات في اليوم أو 48 ساعة في الأسبوع ، ولا تدخل فيها الفترات المخصصة لتناول الطعام والراحة .
ويجوز بقرار من الوزير المختص تخفيض الحد الأقصى لساعات العمل لبعض فئات العمال أو في بعض الصناعات أو الأعمال التي يحددها .
انا معنديش اي اجازات :(